(549) SOUS LE RÈGNE DE CHARLES VI. 309

nom du Pere, et du Filz et du saint Esperit en la forme et maniere [qui s'ensuit] :

Premierement, il, comme bon catholique et vray Christian, recommanda et recommande tres humblement et devotement son ame, quant de son corps départira, à Nostre doulx Sauveur Jhesu Crist, à la benoite glorieuse Vierge Marie sa doulce mere, à monseigneur saint Michiel l'archange, à monseigneur,saint Pierre, saint Pol et à monseigneur saint Jaques l'apostre, son patron, à tous sains et à toutes saintes, et generalment à toute la benoite court et compaignie de Paradis, en requerant de Dieu le tout puissant son createur pardon, indulgence et rémission de ses péchiez et mesfaiz, et que par nous ou par nos menistres lui feussent administrez les sacremens necessaires de Saincte Eglise.

Item, le dit testateur voult et ordena qu'après son trespassement feust enseveliz, enterrez et mis en sepulture ou cymetiere des Sains Innocens à Paris en la fosse aux povres.

Item, le dit testateur voult, ordena et expressement commanda que ses debtes feussent payées et ses torsfaiz amendez par ses executeurs cy après nommez.

Item, le dit testateur laissa à l'euvre ou fabrique de l'eglise parro-chial de Saint Jaques de la Boucherie à Paris, dont il est parrochien, pour une foiz, dix frans.

Item, il laissa à nous, curé de la dicte eglise de Saint Jaques de la Boucherie, dix frans pour une foiz, par ainsi et par tele condicion que du luminaire qui sera alumé le jour de son obit nous n'aurons que la moitié, et l'autre moitié il voult et ordena qu'il feust alumé en faisant son service en la dicte eglise parrochial des Sains Innocens.

Item, il laissa aux quatre chapellains de la dicte eglise Saint Jaques, pour dire vigiles à neuf pseaulmes et neuf leçons, ensemble pour une foiz, cent solz Parisis.

Item, il laissa aux clers de la dicte eglise de Saint Jaques, pour une foiz, trente deux solz Parisis.

Item, il laissa à î'Ostel Dieu de Paris, pour une foiz, cent solz Parisis.



	(549) SOUS LE RÈGNE DE CHARLES VI. 309 nom du Pere, et du Filz et du saint Esperit en la forme et maniere [qui s'ensuit] : Premierement, il, comme bon catholique et vray Christian, recommanda et recommande tres humblement et devotement son ame, quant de son corps départira, à Nostre doulx Sauveur Jhesu Crist, à la benoite glorieuse Vierge Marie sa doulce mere, à monseigneur saint Michiel l'archange, à monseigneur,saint Pierre, saint Pol et à monseigneur saint Jaques l'apostre, son patron, à tous sains et à toutes saintes, et generalment à toute la benoite court et compaignie de Paradis, en requerant de Dieu le tout puissant son createur pardon, indulgence et rémission de ses péchiez et mesfaiz, et que par nous ou par nos menistres lui feussent administrez les sacremens necessaires de Saincte Eglise. Item, le dit testateur voult et ordena qu'après son trespassement feust enseveliz, enterrez et mis en sepulture ou cymetiere des Sains Innocens à Paris en la fosse aux povres. Item, le dit testateur voult, ordena et expressement commanda que ses debtes feussent payées et ses torsfaiz amendez par ses executeurs cy après nommez. Item, le dit testateur laissa à l'euvre ou fabrique de l'eglise parro-chial de Saint Jaques de la Boucherie à Paris, dont il est parrochien, pour une foiz, dix frans. Item, il laissa à nous, curé de la dicte eglise de Saint Jaques de la Boucherie, dix frans pour une foiz, par ainsi et par tele condicion que du luminaire qui sera alumé le jour de son obit nous n'aurons que la moitié, et l'autre moitié il voult et ordena qu'il feust alumé en faisant son service en la dicte eglise parrochial des Sains Innocens. Item, il laissa aux quatre chapellains de la dicte eglise Saint Jaques, pour dire vigiles à neuf pseaulmes et neuf leçons, ensemble pour une foiz, cent solz Parisis. Item, il laissa aux clers de la dicte eglise de Saint Jaques, pour une foiz, trente deux solz Parisis. Item, il laissa à î'Ostel Dieu de Paris, pour une foiz, cent solz Parisis.